Sondae
BYEENKOMSTE IN PRETORIA
Ons kom elke Sondagoggend van 09:00 tot 10:00 byeen in die kapel by Safari-tuinsentrum, op die hoek van Lynnwoodweg en Rubidastraat, Pretoria.
Die byeenkoms bestaan gewoonlik uit ’n praatjie, ’n paar minute van stilte en klassieke musiek. Ons probeer daarmee ’n rustige, oop ruimte skep buite die dogma en liturgie van ’n bepaalde godsdiens – ’n ruimte vir nadenke, verwondering en persoonlike verdieping.
Die praatjies ondersoek ’n wye verskeidenheid onderwerpe. Filosofie, sielkunde, neurowetenskap, geskiedenis, antieke godsdienstige tradisies, mitologie, etiek en die kuns van menswees kom gereeld aan die beurt. Geen enkele tradisie of bron kry vanselfsprekend die laaste woord nie.
Ná die byeenkoms drink ons saam koffie by Safari se restaurant. Vir baie van ons is dié informele saamwees net so belangrik soos die uur in die kapel.
Pad-aanwysings
Grade, Minute, Sekondes: 25°46’03″S , 28°18’15″E Grade, Desimale Minute: 25°46.060’S , 28°18.251’E Desimale Grade: 25.767671°S , 28.304185°E
Ons Sondae in Pretoria
Philip Liebenberg is verantwoordelik vir Renaissance se weeklikse byeenkomste en bied die meeste van die praatjies aan.
Omdat oop en eerlike verkenning deel van Renaissance se etos is, wissel die onderwerpe wyd. ’n Enkele onderwerp kan belig word vanuit antieke denke, Westerse en Oosterse filosofie, godsdienstige en mitologiese tradisies, sielkunde, neurowetenskap en ander wetenskaplike dissiplines.
Die doel is nie om by ’n finale antwoord uit te kom nie. Dit is eerder om saam te ondersoek ten einde onsself, ander mense, antieke denke, moderne wetenskap en die lewe ’n bietjie beter te verstaan.
Sondae: 09:00–10:00
Safari-tuinsentrum se kapel
Hoek van Lynnwoodweg en Rubidastraat, Pretoria
Ná die byeenkoms kuier ons saam oor koffie by Safari se restaurant